Topic: Te Rā o Māui Pōmare

Topic type:

• Topic
• » Event

E te iti, e te rahi, he maioha noa tēnei ki te tai whakarunga, ki te tai whakararo. Kia ara ake a Taranaki whānui ki te whakahuanga ingoa o Tā Māui Pāmare.

He whakapūmou hoki i ngā ara whanaunga i waiho ake e ia ki te ao nei. Ka tuku te reo o Manukorihi i runga i ōna whenua, ngā whenua i murua ai i te rau rima tekau. Ka tutū te puehu ki te rau o te patu, ka tau ki te turuturu roimata, ki te rau o te kawakawa. Ō tātou mate i te tau kua hipa, haere atu rā. Ko koutou tahi ko Māui e tangihia ana. Haere mai e te whare mate, rauhītia mai ki te aroaro o Te Rangitāke rāua ko Taukē. Huihuia mai e te kūreitanga ki Tamawahine, kia puta ki te whai ao, ki te ao mārama. Nau mai ki te karanga, e rarau ki te kōrero. Tēnā katoa mai tātou.