Topic: Kapunipuni Reo - noho mutunga o te tau 2007

Topic type:

• Topic

Hei te 16 o Whiringa-ā-rangi (Noema) ka tū ko te noho whakawhāiti i te tau.  Tērā anō tō tātou waimarie ki te pānga tata ki te wā whakanui i te huringa o te kotahi rau tau.  Engari anō ko te Rāhororangi taua rā, noho reira ka tutuki i a te hunga ako ā rātou aromatawai otirā ko ngā kauhau o te kaupapa ki tēnei noho, arā, ko te Kōrero Pūrākau.

Te mutunga iho ka rere whakawaho rā aku karere ki nga tōpito o Taranaki (o tua atu rā anō hoki) ki a koutou ngā pokohiwi i hāpai ai te kura i tērā tau.  Tēnā, anga whakaroto hoki ki Parihaka ki te noho whakawhanaunga mai ai.  Kia kite a muri i a mua, kia rongo a taringa, a karu i te hunga i para ai tēnei ara. 

Hei te 10 o te ata o te Rāmere (Paraire) ka whakaeke ngā akonga o tenei tau.  E tuwhera ana ngā tatau o te whare ki a koutou te kapa o te tau 2006.  Hei te 9.30 i te ata o te Rāhororangi (Rātapu) te whakaeke ki te rā o Te Whiti, ki tōna rautau, otirā ki tōna karanga tuku iho, te tekau mā waru.