Topic: Hōpuapua Reo

Topic type:

• Topic

He Kupu Whakawai:

“Pānuia ki ngā Iwi o te Motu

Tokitoki kau ana te Heihei

Tere haere ana te Kūao Pārera

Kāore he kai pīpipi

Kāore he kai kōkoko

Ko ngā tāngata ka opea tāewahia

Ka herea i reira te kaha me te uaua ki runga

I te waka o te rangimārie”

Ki a koutou ngā kaihāpai i te tikanga, ngā whakaihu waka i te reo Māori, māringanui te wānanga he mea whakaupa e koutou te mouri tīahoaho o Hōpuapua kia ara ake ano te kura tē nōhia ki roto i a whatumanawa, kia titia iho rā te raukura ki te keokeotanga o Taranaki Maunga, riree hau pai mārire.

No reira, kei a Tū-te-wiwini, kei a Tū-te-wawana, kei a Tū-te-nganahau, te ara toiroa te ara toimatua e puta ai te ihu e whero ai te ārero tangata.